Drámaíocht le Henrik Ibsen i mB.Á.C agus i nGaillimh

Is cúis áthais don Taibhdhearc agus Moonfish Theatre léiriú nua stáitse a chur ar fáil – Namhaid don Phobal -leagan Gaeilge de dhráma Henrik Ibsen “An Enemy of the People” (le fotheidil Bhéarla)

Is leagan nua-aoiseach, spreagúil den dráma cáiliúil é seo ina bhfuil macallaí den ghéarchéim a tharla i gcúrsaí uisce sa Ghaillimh le gairid. Bainfear leas as fotheidil sa léiriú – rud nua i ndrámaíocht na Gaeilge. Tugtar cuireadh don phobal- idir lucht labhartha na Gaeilge agus iad siúd nach bhfuil Gaeilge ar bith acu - chun sult a bhaint as an ndráma agus machnamh a dhéanamh ar na ceisteanna a chuirtear ann.

Suite i mbaile beag cois farraige, déanann Namhaid don Phobal cur síos ar a dtiteann amach nuair a thagann an dochtúir áitiúl ar nimh i gcóras uisce an bhaile, rud a d'fhéadfadh deireadh a chur le heacnamaíocht turasóireachta an bhaile. Ar chóir dó an scéal a scaoileadh leis an bpobal, nó éisteacht le comhairle a dhearthára (Méara an bhaile) agus a bhéal a choinneáil dúnta ...?

Tá na haisteoirí aitheanta stáitse agus scáileáin Brendan Conroy, Peadar Ó Treasaigh agus Donncha Crowley i dteannta Bhríd Uí Neachtain. Tá aithne mhaith freisin ar Phádraic Ó Tuairisc, Darach Ó Dubháin (a bhí ag ‘rapáil’ le Des Bishop ar an gclár fáisnéise de chuid RTÉ “In ainm an Fada”), ar Shéamuis Ó hAodha agus ar Ionia Ní Chróinín.

Ní minic a léirítear an dráma seo in Éirinn agus is í an ócáid dheireanach ar cuireadh ar stáitse é sa tír seo ba leagan gaeilge é a rinne An Taibhdhearc i 1948. Beidh léirithe ar siúl i nGaillimh agus i mBleá Cliath le linn Seachtain na Gaeilge agus le cuidiú na bhfotheideal, bainfidh chuile dhuine ar suim leo an cultúr gaelach agus an Ghaeilge taitneamh as. Beidh an dráma ar siúl sa Dubhlann, i nGaillimh 4ú – 8ú Márta, agus in Amharclann Axis i mBleá Cliath 11ú – 12ú Márta. Is féidir áirthintí a dhéanamh trí oifig Amharclann Halla na Cathrach ag (091) 569777 agus Oifig Axis (01) 8832100.

Chun tuilleadh eolais a fháil, téigh chuig:
http://www.moonfishtheatre.com/ / http://www.antaibhdhearc.com/

nó glaoigh ar:
Natalie Surina - (091) 443042, (087) 6332891
Áine Ní Chuaig - (091) 562024 aine@antaibhdhearc.com

Daireana Ní Chinnéide: Seoladh Leabhair

Dé Déardaoin, 19 Feabhra @ 6.30pm
Tugann Éigse Éireann i gcomhar le Coiscéim cuireadh duit go dtí seoladh Poll na mBabies le Dairena Ní Chinnéide @
Teach an Provost,
Coláiste na Tríonóide,
l Sráid Grafton,
BÁC 2.

T: 01 4789974
info@poetryireland.ie

Filíocht Ghrá na Gaeilge

ar an Satharn 14 Feabhra @ 10.45 a.m.

Cuirfidh Poetry Ireland, Imram agusCois Life léamh speisialta d'fhilíocht Ghrá na Gaeilge ar siúl ar an 14ú lá d'Fheabhra i leith Lá le Vailintín a chomóradh. Beidh na filí Nuala Ní Dhomhnaill, Liam Ó Muirthile, agus Colm Breathnach i láthair agus ámhránaíocht ar an sean-nós le clos ó Lorcán Mac Mathúna. Beidh na filí ag léamh rogha dánta ón leabhar Filíocht Ghrá na Gaeilge, curtha in eagar ag Ciarán Mac Murchaidh, agus foilsithe ag Cois Life.

Teileafón 087-2912797 E: liamog62@mac.com

Beidh an léamh seo ar siúl @ 56, Sráid Aungier,

sa Séipéal Cairmailíteach

Michael Longley: Léamh Filíochta

Beidh an file Michael Longley i gcomhar le Potery Ireland ag léamh a chuid filíochta amárach @


Dé Céadaoin, 11 Feabhra @ 1pm
Léachtlann, An Dánlann Náisiúnta, Cearnóg Mhuirfean, B.A.C. 2.
***************Ní ghearrfar aon táille don ócáid seo***********************
Tuilleadh Eolais: glaoigh ar 01 4789974 nó seol ríomhphost go info@poetryireland.ie

Éigse an Spidéil 2009: Gliogail ar an mBileog eolais chun í a mhéadú!

Logainmneacha na Briotáine

Tá an baol ann go mbeidh ar áitreoirí an bhaile Plougerne sa Bhriotáin ainmneacha na sráideanna s'acu a aistriú go Fraincis. Dar le méara an bhaile, ní thig le feidhmeannaigh Oifig an Phoist na n-ainmneacha a thuiscint nuair atáid scríofa sa Bhriotáinnis. Dar le Fran May Prigent, atá ag cur i gcoinne na n-athruithe seo, níl mar aidhm ag an méara i ndeireadh na dála ach logainmneacha nua Fraincise a bhualadh anuas ar na logainmneacha traidisiúnta. Dar leis go bhfuil an baol anois ann go gcaillfear traidisiún agus cultúr an bhaile bhig.

Baineadh siar as muintir an bhaile nuair a chualadar faoin scéal seo. Táthar ag tathaint ar dhaoine scríobh go Andrew Lesven- méara an bhaile -ag áiteamh air gan an scéim seo a chur i bhfeidhm agus táthar ag áiteamh ar an bpobal achainí um chearta Plougerne a shíniú.

Sínigh achainí @ http://www.mesopinions.com/Plouguerneau-petition-petitions-7c276e9a733f7f830d4d2a14484e34c9.html

Nó scríobh go dtí an méara @
Mr. André Lesven,
Maire Place de Verger,
29880 Plougerne,
Breizh,
France.

ABDÚILIGH FAISIN DE DHÍTH

An andúileach faisin thú? An dtiocfadh leat stíl dearthóra a chruthú ar bheagán costais?
An bhfuil Gaeilge líofa agat? Ba mhaith linn cluinnstin uait!

Is sraith úr í 'Stíl na Réalt' do TG4. Rachaidh beirt san iomaíocht le chéile agus iad ag iarraidh éadaí a cheannach ar bheagán ama agus ar chostas íseal. Beidh orthu culaith lae agus culaith oíche a aimsiú mar aon leis na bróga agus na hoiriúintí faisin cuí.

Tá muid ag cuartú daoine (is cuma cé acu fear nó bean) le páirt a ghlacadh sa tsraith seo. Má tá dúil agat i gcúrsaí faisin agus siopadóireachta agus más duine bríomhar thú, cuir scairt ar Saileog 087 410 1103 nó cuir r-phost chuig saileoglally@gmail.com

Dáta don Dialann @ ÓBhéal

Beidh ceardlann filíochta á eagrú ag óbhéal- i gcomhar le Foras na Gaeilge -ar an 2 Márta sa Hayloft i gCorcaigh. Is é an file aitheanta Gréagóir Ó Dúill a bheidh i mbun na ceardlainne seo agus is é an téama atá roghnaithe don gceardlann áirithe seo ná

"Uncertainty and Ambiguity/ Amhras agus Éiginnteacht"

Cost €15 (€12 lascaine).

Tá líon na rannpháirtithe teoranta.

Tuilleadh sonraí/eolais téir i dteagmháil le Paul @ 085 712 6299

nó seol ríomhphost go Ó Bhéal

Gaelg : Gaeilge Mhanainn

Is fiú súil a chaitheamh ar an suíomh seo d'fhoghlaimeoirí 'Gaelg"- Gaeilge Mhanainn@
http://www.learnmanx.com/

Tá iris mhíosúil ag an suíomh seo leis http://www.learnmanx.com/cms/news_index_all.html

Is féidir féachaint ar bhlag sa Mhanannais @ http://blognygaelgey.blogspot.com/

Cultúr na Gaeilge: Léacht Poiblí

Dé Luain, 2 Feabhra @ 8.00pm

Tabharfaidh Máirín Nic Eoin an chéad léacht eile sa tsraith "Léachtanna Seamus Heaney" ar an Luain, 2 Feabhra @ 8.00 pm i gColáiste Phádraig, Drom Conrach. Is é teideal an léachta ná

'Cultúr na Gaeilge nó Pobal na Gaeilge? Irish Language Identity from Douglas Hyde to Des Bishop'

Tuilleadh sonraí:

Ríomhphost: heaneylectures@spd.dcu.ie

Caifé Cois Life

Liam Ó Muirthile agus Colm Breathnach
Dé Céadaoin 28 Eanáir @ 8.00pm

Beidh na filí Liam Ó Muirthile agus Colm Breathnach ag léamh sa Caifé Cois Life.

Is iad Tristan Rosenstock, Damien Stenson agus Paul Finn aoi-cheoltóirí na hoíche. Tugann an comhlucht léiriúchán Scéal Eile cuireadh duit bheith i láthair.

Foras na Gaeilge, 7, Cearnóg Mhuirfean, BÁC 2

T: 087 7443037 / 087 74159355

Nuacht ó Ghaleport

Dé Céadaoin seo caite, bhí oíche an-taitneamhach go deo ar siúl ag an gCaife Cois Life i gCeannáras Fhoras na Gaeilge. Ba iad na filí Tadhg Ó Dúshláine agus Ailbhe Ní Ghearbhuigh a bhí i mbun a gcuid filíochta a léamh ar an oíche.

Is as Corcaigh do Thadhg Ó Dúshláine, is gearrscéalaí, file agus fear taighde é. Tá lear mór foilsithe aige ar litríocht na Gaeilge. Is léachtóir le Gaeilge é in Ollscoil na hÉireann Má Nuad ó 1978. Tá stíl filíochta an-chomhaimseartha ag Tadhg, agus eilimintí den ghreann fite fuaite le linn a chuid filíochta aige.

Is as Ciarraí d’Ailbhe Ní Ghearbhuigh, foilsíodh a céad chnuasach filíochta, Péacadh anuraidh. Thaistil Ailbhe chuig Albain an fómhar seo caite, mar chuid de Thuras na bhFilí, malartú cultúrtha idir Éirinn agus Albain a eagraíonn Comhdháil Náisiúnta na Gaeilge. D’inis Ailbhe scéal faoi gach dán sular léigh sí iad, agus ba dheas go raibh tuiscint ag an lucht éisteachta ar na laethanta a chaith sí in Bordeaux agus in Harlem, mar gur chruthaigh sé seo comhthéacs do na dánta a rinne cur síos ar thaithí Ailbhe agus í ag cónaí thar lear.

Ní filíocht amháin a bhí le cloisteáil ar an oíche, bhí Pól Ó Seachnasaigh agus Mick O’Brien mar aoi-cheoltóirí na hoíche, rud a thug an-éagsúlacht don oíche. Beidh an oíche dheireanach de shraith Chaife Cois Life ar siúl an Chéadaoin seo chugainn ag 8i.n., is iad Liam Ó Muirthile agus Colm Breathnach a bheidh ag léamh a gcuid filíochta agus beidh Tristan Rosenstock, Damien Stenson agus Paul Finn mar aoi-cheoltóirí na hoíche.

Déantar Caife Cois Life a thaifeadadh beo, agus craoltar é ar Raidió na Life 106.4FM. Tá tuilleadh eolais le fáil faoi Chaife Cois Life, ach glaoch a chur ar Mhairéad Uí Dhomhnaill ar 087-7443037.

Ceardlann Scríbhneoireachta

Ceardlann Scríbhneoireachta :
Ionad: Áras na nGael, Sráid Doiminic, Gaillimh, Satharn, 21 Feabhra 2009.
10.30a.m. – 5.00p.m.

Le cúnamh ó Foras na Gaeilge, beidh an chéad cheardlann lae eile ar siúl in Áras na nGael, Sráid Doiminic, Gaillimh, ag na Scríbhneoirí Gaeilge, ar an Satharn, 21 Feabhra: 10.30a.m. go dtí 5.00p.m. mar is gnách.

Chun gur féidir plé níos fearr agus níos mine a dhéanamh ar scríbhneoireacht na rannpháirtithe, teorainneofar a líon do naonúr an dreas seo. Táille cláraithe 20 euro, mic léinn 5 euro, lón san áireamh sa táille, 1.00p.m. – 2.15p.m.
N.B. Cóipeanna den saothar atá le plé: 3 dhán nó 2,500 focal de ghearrscéal, úrscéal, dráma nó eile, go dtí:
43 Na Cluainte,
Trá Lí,
Co. Chiarraí.

Mar ríomhphost is ansa linn a leithéid a fháil ag: feasta@eircom.net

Stiúrthóirí ceardlainne: Pádraig Ó Snodaigh, file & staraí, Mícheál Ó Ruairc, úrscéalaí & Pádraig Mac Fhearghusa, eagarthóir FEASTA. Ba mhaith suimiú gearr ar struchtúr an úrscéil / dráma a bheith leis an ngiota féin, i dtreo gur féidir an t-iomlán a sheoladh thart ar na rannpháirtithe tamall maith roimh lá na ceardlainne féin.

Pádraig Mac Fhearghusa,
43 Na Cluainte,
Trá Lí.

Tadhg Ó Dúshláine agus Ailbhe Ní Ghearbhuigh

Tadhg Ó Dúshláine agus Ailbhe Ní Ghearbhuigh :Dé Céadaoin 21 Eanáir @ 8.00pm

Beidh na filí Tadhg Ó Dúshláine agus Ailbhe Ní Ghearbhuigh ag léamh sa Caifé Cois Life. Is iad Pól Ó Seachnasaigh agus Mick O' Brien aoi-cheoltóirí na hoíche. Tugann an comhlucht léiriúchán Scéal Eile cuireadh duit bheith i láthair.Foras na Gaeilge, 7, Cearnóg Mhuirfean, BÁC 2

T: 087 7443037 / 087 74159355

Ceòl 's Craic

Tha Ceòl 's Craic ag obair le Colmcille agus Celtic Connections gus feis trì làithean de cheòl agus bùthan-obrach a chur air dòigh. Còmhla ri sin, ann an co-obrachadh le MG Alba, bidh Film 's Craic ann, feis film a chomharraicheas na tàlantan cruthachail ann am film agus Tbh Gàidhlig. Bidh cothrom ann cuideachd èisteachd ri óraidean agus desbadan bho dhealbhadairean film agus filmichean tasglainn fhaicinn agus eile.Bidh a h-uile rud a' gabhail àite aig a' CCA, 350 Sràid Sauchiehall, Glaschu.Airson tiocaidean no tuilleadh fiosrachaidh 0141 353 8000 no cliog an seo

Tá Ceol 's Craic ag obair i gcomhar le Colmcille agus Celtic Connections chun féile trí lá de cheol agus ceardlanna a chur ar bun ón 22-24 den mhí seo. Anuas ar sin- i gcomhar le MG Alba -beidh Film 's Craic ar siúl, féile scannánaíochta a dhéanfaidh ceiliúradh ar an dtallann cruthaíoch atá ag saothrú i ngort na scannaíochta agus na teilifíse i nGaeilge na hAlban. Beidh deis ag daoine éisteacht le léachtaí agus neart díospóireachta ó dhaoine atá ag obair i réimse na meáin in Alba.

Beidh na himeachtaí uile ar siúl ag CCA, 350 Sráid Sauchiehall, Glachú. D'fhonn ticéidí a fháil nó má tá tuilleadh eolais uait glaoigh ar 00 141 353 8000 nó cliog an seo.


Beidh ceardlann saor in aisce i nGaeilge na hAlban leis mar chuid de na himeachtaí a bheidh ar siúl i gcaitheamh na féile.

Léamh filíochta eagraithe ag Poetry Ireland

Dé Máirt, 20 Eanáir 6.30pm - 8.30pm


I measc na ndaoine a bheidh ag léamh: Evelyn Conlon, John F Deane, Anne Enright, Hugo Hamilton, Seamus Heaney, Ronit Lentin, Michael Longley, Susan McKay, Lia Mills, Judith Mok, Eiléan Ní Chuilleanáin, Nuala Ní Dhomhnaill, Éilís Ní Dhuibhne, Mary O'Donnell, Peter Sirr, Colm Tóibín, and Macdara Woods.


Beidh an léamh seo saor in aisce agus NÍ FÉidir ticéidí a chur in áirithe

St Anne's Church, Dawson St, D2.

An Crannn olóige agus Pailistín: aiste le David Llyod

Féach ar an aiste @ http://www.teachersagainstoccupation.org/home/?page_id=144

Biddy Jenkinson agus Pádraig Ó Snodaigh

Biddy Jenkinson agus Pádraig Ó Snodaigh

Dé Céadaoin 14 Eanáir @ 8.00pm

Beidh na filí Biddy Jenkinson agus Pádraig Ó Snodaigh ag léamh sa Caifé Cois Life. Is iad Rónán Ó Snodaigh agus Mick O' Brien aoi-cheoltóirí na hoíche. Tugann an comhlucht léiriúcháin Scéal Eile cuireadh duit bheith i láthair.

Foras na Gaeilge, 7, Cearnóg Mhuirfean, BÁC 2
T: 087 7443037 / 087 74159355