10.7.08

Scoil Merriman

Reáchtálfar Scoil Samhraidh Chumann Merriman 2008 i mbliana in Inis, Co. an Chláir ón Domhnach 17 go dtí an Satharn 23 de Mhí Lúnasa.

Is é Brian Ó Dálaigh, ar as an Inis féin ó dhúchas dó a bheidh mar Stiúrthóir na Scoile i mbliana. Is in amharclann Glór- príomhionad siamsaíochta an bhaile -a bheidh formhór imeachtaí na Scoile agus beidh roinnt imeachtaí ar bun i Múseam an Chláir leis. Tá cainteoiri breátha spreagúla ar an gclár agus i measc na dtéamaí a phléifear tá:- a bhfuil i ndán do gheilleagar an cheantair- inimirce agus éagsúlacht- ról an cheoil thraidisiúnta i sochaí a chuireann béim ar an margadh agus ar chúrsaí tráchtála agus collaíocht na linne seo.



Is dlúthchuid de chlár na Scoile 'Cúirt an Mheán Lae' agus is iad Colm Breathnach, Bríd Ní Mhóráin, Medhb McGuckian agus Micheal O'Siadhail filí na bliana seo.

Tá sonraí iomlána na Scoile le fáil ag: http://www.merriman.ie/ agus ar 086 382 0671.

1 comment:

Note: Only a member of this blog may post a comment.