12.9.08

Seoda Opera sa Dubhlann

Seoda ón Opera Le Cantóirí na Taibhdheirce
Láthair: An Dubhlann, Bóthar na Díge, Gaillimh.

Dátaí: Dé Céadaoin 17ú, Déardaoin 18ú, Dé hAoine 19ú Meán Fomhair 2008
Am: 8.00pm Ticéidí: €17/€12

Nach ar chairde na ceoldrámaíochta a bheidh an gliondar croí ach a léireoidh Compántas na Taibhdheirce a rogha féin as na ceoldrámaí móra sa Dubhlann ar an 17-19 den mhí seo. Ach dá fheabhas sin, beidh deis freisin ag an lucht éisteachta an cumadóir mór le rá Tom Cullivan a chloisteáil agus é ag seinm cuid dá dhréachtaí ceolbhinne féin. Ina chuideachta chomh maith, beidh Elena Gekker agus Eamonn Rabbitt agus cuid dá gceol siúd le cloisteáil acu siúd a bheidh i láthair.
Beidh cuid d’aonréadaithe móra na Gaillimhe páirteach sa seó seo, ina measc Sandra Schalks, Hildegarde Naughton, Delia Boyce, Sean Costello, agus Treasa Tiernan a bhuaigh duais don Bhanaisteoir is Fearr ag AIMS 2008. Casfaidh siad áirianna as Carmen, Nabucco, Tosca, Rigoletto agus as tuilleadh nach iad. Is é Michael Hannon léiritheoir an tseó agus is í Patricia Lillis a stiúireoidh an ceol.

Ní chuirfidh an tine a tharla sa Taibhdhearc faoi Shamhain na bliana seo caite aon mhéarluí ar Chantóirí na Taibhdheirce óir cuirfear an seó ar siúl sa Dubhlann. Fearann siad fáilte chaoin roimh an bpobal bheith ina dteannta sa Dubhann idir 17-19 Meán Fómhair áit a mbeidh rogha agus togha an cheoil le cloisteáil agus é á chasadh ag plúr na n-oirfideach.


Eolas agus Áirithintí: Amharclann na Cathrach (091) 569777

No comments:

Post a Comment

Note: Only a member of this blog may post a comment.